நீ
முன்கோபம் கொண்ட தருணங்கள்
கூராய் வார்த்தை இறக்கிய நிகழ்வுகள்
கேலிப் புன்னகை பூத்த வினாடிகள்
மெல்ல சீண்டிய சொற்கள்
திட்டமிட்ட மௌனங்கள்
முகம் பொத்தி அழுத நாட்கள்
வேறாய் விலக்கியிருந்த இடைவெளிகள்
மறவாத குறிப்புகளாக
மிதக்கின்றன
மணற் திட்டுகளாக
அன்பின்
பிரியத்தின்
காதலின்
எத்தனையோ பொழுதுகள்
தொலைதூர ஞாபகங்களாகின்றன
பாலை நிலத்தின்
தூர மலைகளாக
குன்றுகளாக
