ஏதேனும்

மண்ணில் விழுந்து மலர்ந்திருக்கும் மலர்களிடமிருந்தும்
அவ்வப்போது திசை மாற்றும் வண்ணத்துப் பூச்சிகளிடமிருந்தும்
காற்றில் நகரும் விளக்கின் சிறு தீபத்திடமிருந்தும்
கூட்டத்துடன் தன் உணவைச் சுமந்து செல்லும் எறும்பிடமிருந்தும்
வயலை உழும் மண்புழுவிடமிருந்தும்
குளிர்ந்திருக்கும் கிணற்று நீரிடமிருந்தும்
ரயிலுக்குக் கையசைக்கும் குழந்தைகளிடமிருந்தும்

ஏதேனும்
கற்க முடிந்தால்

இந்த உலகம் தான்
எவ்வளவு ஆசிர்வதிக்கப்பட்டது

இந்த வாழ்வு தான்
எவ்வளவு இனிமையானது


13.03.2018
21.45