முகங்கள் மகிழ்கின்றன அங்காடிகளில்
ஆரம்பப் பள்ளி குழந்தைகள் போல்
கைகள் இறுக்கப் பற்றுகின்றன
கடைப்பைகளை
புற்றில் கிளம்பும் எறும்புகளின்
எதிர்பாராத சந்திப்புகள்
மாலை தீர்ந்த இரவுகளின்
பனித்துளிகள்
எதிர்பார்ப்புகளின்
கனவுகளின்
எடை கொள்கின்றன
வண்ண பேதங்கள்
வித வித மாய்
நிரப்புகின்றன
நம்பிக்கையை
பிளாஸ்டிக் குடத்தின்
சிறு விரிசலில்
பீறிடுகிறது
ஃபவுண்டெய்ன் பூக்கள்