பெயர்ப் பட்டியல்

பட்டியலில் பெயர்கள் பரவியிருக்கின்றன
வரிசை எண்ணுடன்
வித வித நோக்கங்களில்
கண்ணாடிக் கதவு போட்ட
அறிவிப்புப் பலகையில்
ஒட்டப்பட்டுள்ள
ரயில் முன்பதிவு பட்டியல்
அரசு பராமரிக்கும் திருக்கோயில்களின்
குத்தகை பாக்கி பட்டியல்
சம்பள பட்டியல்
பதவி உயர்வு பட்டியல்
போதிய வருகையில்லாமல்
பரீட்சை எழுத அனுமதிக்கப்படாதவர் பட்டியல்
மனிதர்கள்
சூழ்நிலை பொறுத்து
சாத்தியம் பொறுத்து
குழுவாய் இணைகிறார்கள்
குழுவிலிருந்து பிரிகிறார்கள்
பட்டியல் பெயர்கள் ஒன்றாகவே இருக்கின்றன
பிரியாமலும்
இணையாமலும்