பிராட்கேஜ் பாலம்

புதிதாகக் கட்டப்பட்ட
பிராட்கேஜ் பாலம்
பெயிண்ட் வாசனை மாறாமல்
புத்தம் புதிதாக இருக்கிறது
இனிமேல் தான்
ரயில்கள் ஓடத் துவங்கும்
புல் அறுத்து
மூட்டை கட்டி
சைக்கிளில்
தினமும் பாலத்தைக் கடக்கும்
முதியவருக்கு
மூச்சு முட்டுகிறது
சைக்கிளை சிரமப்பட்டு ஏற்றி
தண்டவாளத்தைக் கடந்து செல்கிறார்
அந்தி சூரியன்
விடைபெறும் வேளையில்
தனியாக
தனிமையில் நிற்கிறது
பாலம்
பலரைப் போல
பலவற்றைப் போல