சிறு வயதிலிருந்தே நான் நுகர்வு மனநிலைக்கு அப்பாலே இருந்திருக்கிறேன். எளிய விஷயங்களே என்னை ஈர்த்திருக்கின்றன. எனக்கு நினைவுக்குத் தெரிந்து கடைத்தெருவில் இருக்கும் கடைக்குச் சென்று பூந்தளிர் வாங்குவேன். பின்னர் பூந்தளிர் கோகுலம் வாங்குவேன். அதன் பின்னர் இந்தியா டுடே வாங்கினேன். அதன் வண்ணப் புகைப்படங்கள் எனக்கு பிடிக்கும். ஸ்டேஷனரி கடைகளில் இருக்கும் பொருட்கள் அனைத்தும் பிடிக்கும். டேப் டிஸ்பென்ஸர், ஸ்டாப்ளர், கிளிப். வாழ்த்து அட்டைகளை மிகவும் விரும்பி வாங்குவேன். அஞ்சல் அலுவலகத்தில் அஞ்சல் அட்டை , போஸ்ட் கவர் வாங்குவேன். டைரி மிகவும் பிடிக்கும்.
யாதெனின் யாதெனின் நீங்கியான் நோதல்
அதனின் அதனின் இலன்
என்கிறார் திருவள்ளுவர்.
பல விஷயங்களிலிருந்து தொலைவில் நீங்கி இருப்பதால் அவற்றால் உருவாகக் கூடிய துன்பங்கள் இன்றி இருக்கிறேன்.
