மர்ஃபி ஊரில் இல்லை
கண்மணி ஊரில் இல்லை
எங்கோ
தொலை தூரத்தில்
தொன்மையான பிரார்த்தனைகளை
உச்சரித்துக் கொண்டிருக்கிறான்
எளிய ஆடைகள் உடுத்தி
எளிய வாழ்வு வாழ்ந்து

அவனது ஸ்பரிசம் கிடைக்காத
விளையாட்டுப் பொருட்கள்
காத்திருக்கின்றன

அவன் எங்களை நோக்கி வரும் சாலை
அவன் பாதம் தீண்ட
காத்திருக்கிறது

அவன் எப்போதும் எங்களுடனிருந்தும்
நாங்கள் காத்திருக்கிறோம்
அவனுக்காக