பேப்பர் வெயிட்டின் வர்ணங்களை
ஒரு கணம்
ஆச்சர்யமாக நோக்கும் போது
*
உனது வாகனத்தை
சீராக இயக்குகையில்
உன் அகத்துக்கு சில மீட்டர் முன்னால்
ஒரு வீட்டில்
பூத்திருக்கும்
சிவப்பு விருட்சிப் பூக்களைக்
காணும் போது
*
சில நிமிடங்கள்
உன் கைக்கு வந்து சேர்ந்து விட்ட
குழந்தையின் நெற்றியை
உன் நெற்றியுடன் சேர்த்து
வைத்துக் கொள்ளும் போது
அதன் விழிகளை நோக்கும் போது
*
வானத்தில் முழு நிலா
நிறைந்திருக்கும் போது
*
எப்போதாவது
நீ
ஏன்
கண் கலங்குகிறாய்?