ஆண்டிற்கு 3 அல்லது 4 திரைப்படங்கள் பார்ப்பதுண்டு. திரைப்படங்களைத் திரையரங்கில் மட்டுமே பார்ப்பது எனது வழக்கம். சென்ற ஆண்டு ஆகஸ்ட்டில் ஒரு திரைப்படம் பார்த்தேன். அதன் பின் ஏதும் பார்த்ததாக நினைவில்லை. ஆண்டுக்கு 4 திரைப்படம் என்பது ஒப்பீட்டளவில் குறைவு எனினும் 3 மாதத்துக்கு ஒரு திரைப்படம் என்பதாக இருக்கும். திடீரென கடந்த ஓராண்டாக எந்த திரைப்படமும் பார்க்கவில்லை என்பது நினைவுக்கு வந்தது. என்ன காரணம் என யோசித்துப் பார்த்தேன்.
ஊரில் 4 திரையரங்குகள் இருந்தன.கடந்த ஓராண்டில் அதில் இரண்டு திரையரங்குகள் மூடப்பட்டு விட்டன. இப்போது 2 திரையரங்குகள் மட்டுமே உள்ளன. எனவே திரையிடப்படும் திரைப்படங்களின் எண்ணிக்கை குறைந்து விட்டது. திரைப்படம் பார்ப்பதும் குறைந்து விட்டது.
