வரம்

 உன் பாதம் பற்றிக் கொள்கிறேன்

உன் பாதச் சுவடுகளைப் பின் தொடர்ந்து வருகிறேன்

உன் பெயரை மட்டுமே நம்பிக்கையுடன் உச்சரிக்கிறேன்

எனக்கு எதுவும் தெரியாது

எது நன்மை எது கெட்டது

எது மீட்பு எது மாயம்

எனக்கு எதுவும் தெரியாது

உனது அருளால்

உனது அருளால் மட்டுமே

கிட்டியது

உனது பாத தரிசனம்

ஒளிரும்

ஒளி மிக்க

உன்னைக் கண்டவாறே

கரைந்து போகிறேன்

வரம் அருள் இறைவா