யார் இவர்கள்

யார் இவர்கள்

உடன் நடந்து செல்லும்
யார் இவர்கள்

கீரைக்கூடையைத் தலையில் ஏற்ற கை கொடுக்கச் சொல்லும் பெண்மணி
தள்ளுவண்டியில் ரேடியோ கேட்டுக் கொண்டே காய்கறி விற்கும் முதியவர்
ரயில் நிலையத்தில்
கையில் ஒரு குழந்தையைப் பிடித்துக் கொண்டு
இடுப்பில் ஒரு குழந்தையை வைத்துக் கொண்டு
அவசரமாக டிக்கெட் எடுத்து
ரயில் நோக்கி விரையும் இளம்பெண்
மோட்டார் வாகனத்தில்
நானாவித அலுவல்களால்
ஊரைச்
சுற்றி சுற்றி
வருபவர்கள்
நீலச் சீருடை அணிந்த
பச்சைக் கொடி காட்டும்
அதிகாரி
மைதானத்தில் ரயிலுக்கு இணையாக ஓடி
கை காட்டி மகிழும்
குழந்தைகள்

யார் இவர்கள்
நான் இவர்கள்