அமிர்த வர்ஷிணி

நேற்று
வர்ஷிணியைச்
சந்தித்தேன்
நண்பர் வீட்டில்
மழலை மொழி பேசுகிறாள்
டிட்டு என்ற தேவதையையும்
டட்டு என்ற புலியையும்
பொம்மையாக்கி
வைத்துள்ளாள்
டிட்டுவும் டட்டுவும்
இருக்கும் உலகம்
எனக்கு
ஆர்வமளித்தது
நான் அவர்களுடன் இணைந்து கொண்டேன்
வந்து பார்த்த வர்ஷிணிக்கு
ஆச்சர்யம்
டட்டுவுக்கு தண்ணீர் வைக்கச் சொன்னாள்
கோடையல்லவா
நானும்
டிட்டு டட்டுவின்
நண்பன்
என்பதால்
வர்ஷிணி
என்னையும்
தன் நண்பனாக ஏற்றுக் கொண்டாள்
அவற்றைக் குறித்த
பெருமிதங்களை
பாராட்டுக்களை
புகார்களை
என்னிடம்
அவ்வப்போது
சொன்னாள்
தனித்தனியாக அடம் பிடித்தாலும்
டிட்டுவும்  டட்டுவும்
ஒருத்தருக்கொருத்தர்
சண்டை போடுவதில்லை
வர்ஷிணிக்கு அதில் ஒரு நிம்மதி
வர்ஷிணிக்கு
என்னைப் பற்றி
வேறு ஏதும் அறிய
வேண்டியிருக்கவில்லை
அவளின் நண்பன் என்பதைத் தாண்டி
டிட்டு டட்டுவின்  உலகில்  வாழ்பவன்
என்பதைத் தாண்டி