ஒரு வெட்டவெளியில்
நின்று கொண்டிருக்கிறாய்
நீளமான மழைத்துளியைப் போல
உன் கால்கள்
நீர்மை ததும்பும்
உனது ஆடைகள்
வெயிலின் தீண்டலுக்கு
முத்தாய் அரும்பும் முகம்
அங்கு யாருமில்லை
நீ
யாருக்கும் காத்திருக்கவும் இல்லை
இயல்பாக பாடல் ஒன்றை முனகுகிறாய்
புன்னகைக்கிறாய்
சத்தமாகப் பாடிப் பார்க்கிறாய்
இந்த மழை வந்தது எங்கிருந்து?
மழையில்
கரைந்திடாத
ஒரு மழைத்துளியாக
நீ
நின்று கொண்டிருக்கிறாய்
