பள்ளி நாட்களில் ஆங்கிலப் பாடத்தில் ‘’ Explain with reference to the text" என்ற பகுதி இருக்கும். ஆங்கிலக் கவிதைகளுக்கு இவ்விதமான விளக்கம் கோரப்படும். ஒரு கவிதையின் ஒரு வரி எவ்விதம் பொருள் படுகிறது என்பதை விரிவாகவோ சுருக்கமாகவோ விளக்க வேண்டும். பாடத்திட்டத்தில் இது எந்த கவிதையில் வருகிறது? அக்கவிதையை எழுதியவர் யார்? எந்த அர்த்தத்தில் எழுதப்பட்டுள்ளது என விளக்கி எழுத வேண்டும். பாடத்திட்டத்தின் எல்லைகள் இல்லாமல் ஷேக்ஸ்பியரின் வரிகளுக்கு படைப்பூக்கம் கொண்ட வாசிப்பை அளிக்கலாம் என உத்தேசித்துள்ளேன்.
